8 жніўня каманда Нясвіжскага гісторыка-краязнаўчага музея прыняла ўдзел у кулінарным конкурсе па выпяканні бліноў «Блінаманія на калодзе», які прайшоў у рамках маштабнага фестывалю гістарычнай рэканструкцыі, культуры і музыкі «Нясвіжская фартэцыя 2026».
Для ўдзелу ў конкурсе наша каманда абрала назву «Берагіні самабытнасці». І гэта аказалася не проста назвай. У кожнай дэталі — ад афармлення і вобразаў да рэцэптаў і падачы бліноў — нашы ўдзельніцы імкнуліся паказаць беларускія традыцыі па-сучаснаму, захаваўшы іх цеплыню і пазнавальнасць.

Мы вельмі ўдзячныя нашым дзяўчатам за працу, фантазію, хваляванне, падрыхтоўку і душу, укладзеную ў гэты дзень. Ганарымся вамі! Вы і ёсць нашы сапраўдныя «Берагіні самабытнасці» — тыя, хто не проста захоўвае традыцыі, а працягвае іх.